廖孖記 (已結業)

腐乳於上世紀五六十年代，係窮等人家恩物，聽老前輩口中得知，以前幾仙一磚腐乳夠一家人當餸吃。雖然今日經濟環境比起幾十年前已經提升唔少，但腐乳至今依然廣受歡迎，而依家想食腐乳的話，必定會諗起百多年歷史嘅廖孖記！廖孖記腐乳($30/細)鹹香得來帶點鮮甜，味道令人驚喜，而且廖老闆亦相當健談好人，兩個麻甩佬話題滔滔不絕，手錶高達相機鏡頭等話題都可以傾得一餐，感覺親切又不老套，所以就算在CitySuper入面有得賣，倒不如去老店直接買跟廖生吹吹水好過...大家唔好以為腐乳只係用黎炒通菜，試將腐乳當主角，食法一樣可以有好多變化，搽麵包又得，拌公仔麵亦得，甚至做火鍋湯底都得，仲可以溝埋淡忌廉、煙肉火腿做卡邦拿意粉又可以。只要花點心思，呢樣民間國粹一定可以食得更精彩！