Flames (鴻圖道)

營業中

休息中

🌹氣氛一流西餐💕同老公兩個出開觀塘，行過見呢間西餐好多人食，氣氛環境都好好，難得二人世界，一於食個靚靚西餐🌹餐廳除左情侶外，都有好多家庭聚會，仲有提供BB凳，岩哂3歲以下既BB。我地今次叫左一個前菜同兩個主食。🥢香煎半熟吞拿魚車厘茄沙律（配青檸青瓜薄荷汁）前菜賣相岩哂打卡，半熟吞拿魚粉嫩嘅顏色加上車厘茄及青檸青瓜薄荷汁，視覺上勁滿足。而味道中規中矩，唔算突出。🥢卡邦尼薄餅卡邦尼薄餅上面有鵪鶉蛋，比較特別，薄餅的芝士味濃郁，加上煙肉的鹹香味，十分夠味。但美中不足的地方就是芝士未能做到拉絲嘅效果，較為失望。🥢昋煎照燒汁橙鯛魚柳（烤蔬菜，芝麻油烤粟米）整餐飯最好食的就係鯛魚柳，鯛魚柳外皮香脆可口，配上鯛魚柳肉質細膩，口感一流。再加上味道濃郁嘅照燒汁，絕對係必食之選。呢間餐廳環境一流，不過食物份量偏少，比較配合情侶或家庭聚會，一大班人傾住計慢慢食。