QUAYSIDE (已結業)

三個女人去睇舞台劇，演藝學院附近有呢間餐廳！地點幾偏僻！價錢亦唔平！不過半自助午餐口碑唔錯！所以就試下！要在銅鑼灣搭地鐵來！一個靜到無人嘅商場內！裝修好靚！餐廳比咗圓形梳化卡位我哋！又好近攞食物嘅位置！可惜室外位置對出做緊填海工程！無晒境觀！落咗主菜就出去攞食物！頭盤選擇好多，雖然無刺身，但煙三文魚唔錯！沙律新鮮，芝士好濃味，樣樣好味！餐湯好特別，薑味紅蘿蔔湯，不是人人喜歡，但特別！甜品種類少，兩款撻味道好膩，又過甜，撻底又淋了！唔得！春雞：嫩滑，有肉汁！唔嚡！好味！肉眼扒：唔平均，有啲位置太生！牛味道幾濃！香草海鮮意粉：朋友話香草味太濃！不過我覺得ok!海鮮嫩，蝦肉爽口！意粉粗身彈牙！唔錯！餐茶幾香！食物好，服務好舒服，適當時候店員就會出現，但又唔會令人覺得煩，唔阻到傾偈！掌握得好好！