Tapa Room (積福大廈)

營業中

休息中

小食既單骨雞翼好好食，一定係即叫即炸，勁香勁脆，可以git少少青檸汁黎食就更加清新，無咁油膩既感覺😄西班牙蛋餅都一定要試，唔好睇佢細細碟，但入面係流心蛋同薯仔，表面就焗脆佐，流心蛋好好食，但食落都幾飽其實😆蕃茄麵包上面放佐鯷魚，有蕃茄既鮮味都有魚既咸香，夾埋脆口既麵包又幾好食喎😀黑毛豬火腿夾住茄子同生菜，有啲沙律既感覺，點啲醋黎食就幾清新😁八爪魚呢就真係幾薄切，有啲辣辣地酸酸地既蕃茄醬，撈埋一齊又幾好食🙂另外拼盤有芝士，Parma ham同埋梨，份量唔算好多，但都岩岩好，每樣都好食既😌重點西班牙海鮮飯勁好食，好重海鮮味，啲飯唔會太硬，但又有適量飯焦，啲蝦都幾大隻幾鮮甜，蜆都好食，係份量少佐啲🫣另外主菜烤黑毛豬肩扒都好唔錯，啲豬肉係嫩既，仲有啲肉汁，點埋燒汁就岩岩好啦，配菜既薯仔都好軟熟好好食😋甜品西班牙油炸鬼好脆，肉桂味唔會太重，再點啲朱古力醬簡直一流🤭