影片
更多
2024-11-04
219 瀏覽
今日朋友帶路去咗尖沙咀上樓食串燒，佢都知我最鍾意食日式居酒屋，先嚟秋刀魚刺身，秋刀魚到10月11月就最肥美，呢個時候先適合做刺身㗎，秋刀魚油脂豐盈，魚味特別濃。居酒屋點會冇叫酒，叫佐過SAKE SET，一次過可以試到四種唔同嘅清酒，咁樣就可以比較到唔同嘅風味，有濃有淡，有些碳酸比較高。七味燒魚翅，送酒就一流，夠香脆仲有少少辣。西班牙黑豚肋骨肉，肉味香濃，又唔會有臊味，入口肉味清甜，正！月見免治豚肉串，加埋隻蛋同埋醬汁，肉串入口特別滑又惹味。日本長蔥，少少麵豉醬點綴，唔會辛辣但係清甜。林檎紅薑豬肉卷，中間嘅紅薑，味道好突出，好解油膩，加埋林檎口感爽脆。車打芝士巴爾馬火腿卷，芝士鹹香味濃，加埋火腿，鹹味十足比較適合送酒。花生苗卷，清甜爽脆，十分爽口。必食的日本青椒仔，味道清甜。豬喉結串及豬聲帶串味道相似，口感出奇地脆，口感一流！最後燒菠羅，表面糖已燒到焦糖化，入口脆口！餐廳食物都幾出色，好多豬嘅串燒菜式，坊間比較少見，氣氛夠熱鬧！
居酒屋點會冇叫酒，叫佐過SAKE SET，一次過可以試到四種唔同嘅清酒，咁樣就可以比較到唔同嘅風味，有濃有淡，有些碳酸比較高。
七味燒魚翅，送酒就一流，夠香脆仲有少少辣。
西班牙黑豚肋骨肉，肉味香濃，又唔會有臊味，入口肉味清甜，正！
月見免治豚肉串，加埋隻蛋同埋醬汁，肉串入口特別滑又惹味。
日本長蔥，少少麵豉醬點綴，唔會辛辣但係清甜。林檎紅薑豬肉卷，中間嘅紅薑，味道好突出，好解油膩，加埋林檎口感爽脆。
車打芝士巴爾馬火腿卷，芝士鹹香味濃，加埋火腿，鹹味十足比較適合送酒。
花生苗卷，清甜爽脆，十分爽口。
必食的日本青椒仔，味道清甜。豬喉結串及豬聲帶串味道相似，口感出奇地脆，口感一流！
最後燒菠羅，表面糖已燒到焦糖化，入口脆口！
餐廳食物都幾出色，好多豬嘅串燒菜式，坊間比較少見，氣氛夠熱鬧！
張貼
