Spark Bar & Restaurant (已結業)

星期六都要返工，見去開港島區，夜晚就同老婆係中環搵間好啲嘅餐廳放鬆一下。呢間酒吧餐廳好有情調，絕對適合情侶黎拍拖。先點左一個Beef Tempura打頭陣！雖然佢件數唔多，但食落好有驚喜！外面有層炸到脆卜卜嘅紫菜，包住入面軟淋淋嘅牛腩肉，正！我地點左Chitarra同Carbonara各半份，咁就可以試多幾款唔同款式嘅食物啦！Chitarra嘅龍蝦汁味濃，蟹肉多，而且意粉唔係我地平時食開嗰啲幼幼嘅意粉，係粗而煙韌，好有咬感！Carbonara同樣煮得出色！濃濃嘅卡邦尼汁，配埋呢個菜嘅重點 - 海膽，簡直係絕配！海膽味鮮濃，好好食呀！最後我地仲點左個Iberico Pork，煮得好淋，啖啖肉，配埋底下甜甜嘅南瓜蓉，為今晚晚餐畫上完美且滿足嘅句號！聽聞呢到星期五仲會有live band，下次可以約埋班朋友嚟呢度把酒談心，再輕鬆多一晚！