Second Draft (已搬遷) 新店位置

位於大坑外型充滿特色嘅品酒餐廳～其實幾年前佢一開我都有留意，但一直都未有機會入去食🤣今次因為同三個好耐冇見的朋友聚舊，即刻諗起呢間餐廳。餐廳主打係飲唔同口味嘅draft beef 🍺Total我自己叫咗兩杯一杯係荔枝味，另一款就普通麥味啤酒呢兩款嘅啤酒麥味都好香，口感屬於偏清新～唔會太苦，女士都啱飲。小食方面超級推介佢個大坑薯條👍🏻帶少少辣好惹味🌶送酒一流，由於太好食我哋食完一份又encore多一份😋主菜方面叫咗腐乳卡邦尼意粉食落其實係幾match, 腐乳代替芝士，幾創新👍🏻但如果唔鍾意太重口味，就唔推介因為偏鹹。南瓜意大利飯味道普通，有淡淡嘅南瓜味，冇咩特別。