Maison Libanaise

營業中

休息中

見好多人推介就嚟試下既中東餐，想講呢度環境好好，建議坐頂樓outdoor，環境舒適好多又有氣氛。兩個人黎食，點左兩個菜，第一樣點左個roasted cauliflower，亦都係佢地其中之一既必點菜式。個人認為呢道菜整得幾好味，烤既程度啱啱好，但係醬汁有啲膩，所以飽腹感好高，食完已經差唔多六分飽。而且越食越覺得麻麻，應該係太膩既關係。第二道菜式係falafel，主要成分係chickpea同其他材料混合炸成一塊好似餅乾形狀。覺得呢味菜還好，中等程度，10分最多6分，主要原因係因為佢既香草味偏高可能迎合返中東人既口味，但係啲醬汁令到嗰口感都唔好，已經唔再鬆脆，仲要啲醬汁同上一味一樣都好膩。飲品方面，服務員推薦左一支唔錯既白酒 chateau ksara ，果香味比較重，一入口有啖啖既荔枝味，超易入口，而且好啱幫我地解膩。值得一提既係服務員好細心同十分友善，令到整體用餐體驗更好，例如會問你比較喜歡邊種口味既酒等等，建議未試過既朋友黎不妨黎試試。