Taku

營業中

休息中

經過上環，見到呢間日式小店，本來以為都係間普通日式cafe, 點知原來係間食店，就入去睇下。冇諗過入面氣氛好和諧，裝潢都好簡約，真係好有日本小店feel. 佢地既座位唔係好多，都係得靠牆幾個位，但就唔洗對住人，好有空間感。 佢既便當都係自己廚房現做。 落order即整，所以啲便當好溫暖。 而且即做既水準都好高，不論係便當定壽司都做得好有水汁。 最重要係擺盤賣相好靚。 整體氣氛真係好特別。Menu唔係太多， 但都好夠。我叫左個柚子醋燒豬扒便當。 柚子醋既飯好香好好味， 豬扒燒得好嫩滑，而佢既伴菜，南瓜同青瓜都有燒過，真係好夾好好味。 最重要外賣攞到返公司都係暖，又唔會焗到好多倒汗水，成個感覺好貼心。 黎到上環， 呢間真係好值得一試既日式小店。