重慶燒燒烤專門店 (已搬遷) 新店位置

尋晚無咩做同d朋友去左佐敦搵野食，可能本小姐係新界人，去到佐敦見到甘多野食簡直好似拾到寶甘開心。行完幾個round之後，見到一間較大規模的燒烤店，仲要係總店。於是抱住食少少的心態入左去（始終女士都係貪靚，怕食得多生豆豆）主打菜係燒龍蝦，有唔同size可供選擇，由於大隻既一d都唔平，所以最後選左只細簡黎試，肉質都尚簡鮮甜。另一較喜歡的就係燒茄子，以前係大陸出差收左工都會同同事去街邊食燒烤，特別喜愛原隻燒茄子，估唔到今次係香港食到，仲有80％以上的相似度。感覺好正。其他值得推薦的仲有燒菠蘿，一啖咬落去d菠蘿汁係甘唧哂出黎，感覺好特別。其它什麼燒雞翼，牛肉等水準亦ok。叫下叫下原來叫左好多野，已經忘記左自己塊面，仲話想食少少。哈哈！ps：仲有啤酒配燒烤真係絕配，啤酒仲要有hogarden，少有可以係呢類食店有供應，值得一讚。