鮨石 (已結業)

今晚同朋友慶祝生日，之前係尖沙嘴行過見到門口就打算試下。餐廳座位得8個，最好提前book定。今晚menu- 我地叫左神石。食材特別新鮮，完全唔洗再加豉油或者wasabi，師傅已經調好食物最好嘅享用比例。食左好多款海鮮。開胃菜係吞拿魚配海膽醬，仲有d番茄。然後有紫蘇葉isaki，帆立貝赤背。好大粒彈牙。跟著師傅細心介紹每樣sashimi同sushi。有鰤魚黑鯥魚，石垣鯛，mok皮魚，梭子魚，沙甸魚。樣樣都好食，我最深刻嘅係係今日稀少部位- 吞拿魚額頭。佢比大toro要更加入口即溶，油脂香好重。可惜得一舊😂師傅介紹呢間餐廳係傳統再加入一d fusion元素，所以今晚有西班牙紅蝦。第一次係omakasae試到，好有驚喜而且好香結尾係海膽，放係手度食好滿足。然後甜品又係fusion環境，係香蕉雪糕配brownie，甜而不膩，都幾清新。師傅同個staff好識得帶動氣氛，同同晚客人可以傾到計，唔會尷尬。令成晚用餐體驗更好。