黑羊餐廳 (已結業)

聽o左兩年, 依家先有機會去~ 仲要同行唔係男朋友......唉........(同個朋友互相慶祝生日)<br>好浪漫又唔覺, 因為地方太細, 坐得幾迫o下, 如果情侶想談o下心都幾難~ 不過我偏好依類型好有民族feel o既裝修~ 露天位地下同每張檯面都點住大大個香薰蠟燭~ 又可以照明, 又可以令全間餐廳瀰漫一陣陣香味~ 牆壁上掛住一個一個羚羊角, 架上面放滿民族色彩擺設~ 連洗手間都幾靚喎~ <br>所有當晚provide o既食物就寫晒o係一個大黑板上~ 我o地兩個人點o左兩個洋蔥湯, 一個牛油果蟹肉沙律, 一客白酒煮青口($155), 一客羊架($175), 一客chocolate mousse ($85), 一客tiramisu ($85), 一杯lemonade~ 所有食物都唔錯, 當中最正係Chocolate mousse, 係我食過o既chocolate mousse最濃o既~~~~~ 但係杯lemonade好怪....落o左好多mint, 變o左一杯淨係飲到mint味o既"思樂冰", 成晚o既敗筆~<br>埋單$878~