Joia

營業中

休息中

星期六日尤其是大時大節，搵餐廳食飯其實都唔容易，好多地方尤其是啲大商場都會好多人，但係一啲 商業中心區，因為主要做上班族生意，星期六日以至大時大節，反而容易搵位喎，就好似圓方商場咁就係啦，放假嘅時候商場裏面嘅餐廳有好多人，但係 ICC 樓下嘅 Civil Square 就會相對少人啦，呢日都係星期六晚，記得當時都係臨近節慶，同朋友約咗去西九玩，之前就去咗 Civil Square 呢間餐廳度食飯，呢度有好多唔同菜色嘅餐廳，同埋有好多戶外座位，可以帶埋自己嘅狗狗 一齊去食飯，我哋嗌咗一個肉眼扒，肉質豐厚，另外有嗌咗一個羊架，擺得好精緻，完全冇蘇味，肉質好鮮嫩，另外叫咗個大蝦意粉，除咗大蝦之外仲有好多蝦肉碎融入意粉入面，令到意粉口感豐富咗，當然唔少得一盤生蠔啦，不過號就唔係好肥美，前菜方面就點咗水牛芝士，成個環境都好舒服好 Chill，最緊要係星期六日大時大節容易搵位嘛。