屯門咖喱屋

營業中

休息中

見好多地方都介紹呢一間咖喱屋，所以專登揸車入去試吓！環境氣氛，讓你置身印度……侍應都是印度人，但是會講廣東話，感覺好似去咗重慶大廈一樣。坐低一陣， 侍應就送上炸蔬菜，這個是免費送的，其實冇乜味道……不過沾下個醬汁幾開胃。另外叫咗咖喱角，有食過印度餐的朋友，都會知道，佢嘅咖喱角同我哋香港嘅咖喱角，完全不一樣！印度的咖喱角入邊有很多薯蓉、蔬菜蓉，其實都幾飽肚……同炸蔬菜的味道差不多，都係要靠另外點醬汁。見大家都話佢個牛脷咖喱的牛脷厚切，所以亦都叫來試一試。果然沒有令人失望，牛舌很大塊，質地亦都不錯，只是咖喱，沒有惹味，唔算濃郁。另外叫了一份芝士薄餅來配咖喱，由於咖喱沒有很濃味，所以配襯起上來，就略為淡口。另外，點了一份蒸餃子，味道同上海小籠包差不多，都係果一句……要靠個醬汁！最後，當然要飲佢哋最特色的印度奶茶。佢會喺你面前拉，亦都會邀請你去聞吓佢哋啲茶……非常好客，但我又不禁去想……我聞完，下一台客，係會飲的……如果你唔太介意衛生……就冇乜問題，我就唔介意……所以我覺得都幾好飲！黎開得的話，值得叫黎試吓！