Gusto - Taste Italian (已結業)

平時放工間中都會同同事去尖東嗰邊，食個晚飯飲杯酒，貪呢度氣氛九熱鬧。今次嚟咗GUSTO食晚餐，好有氣氛，店員招呼亦都周到。叫咗兩份主食，燒乳豬卷幾正，開頭都擔心會唔會笑得好乾，不過又唔會，幾鮮嫩幾Juicy🐷配嘅醬汁算係中式嗰種，有一款係黃芥辣，另外一款就係平時嗰種乳豬醬，所以都幾解膩。配菜就有粟米仔，焗薯，同埋雜菜。另一款就係黑松露意粉，好香，每一啖都有濃濃嘅醬汁，而且唔會好稠，食到最後都唔會乾晒咁。另外仲加咗芝士，蛋同埋煙肉。所以味道都幾有層次。仲叫咗一個小食炸魷魚🦑優勝嘅地方係魷魚夠新鮮，炸粉夠薄，唔會太油膩，不過略嫌炸得唔夠脆。甜品揀咗Cannoli，卷中間係奶油，加埋藍莓同朱古力醬，我幾鍾意。我哋都飲咗兩杯酒，不過都係基本款啦，唔特別講啦。整體來講氣氛一流，服務唔錯，食物質素OK，價錢少少貴。