La Casa Bistro (已搬遷) 新店位置

約左舊同學出黎食飯，就下佢返工嘅地點，黎左上環同中環交界嘅一間西餐廳，舊同學話佢食過lunch幾好㗎。當晚上到黎，店延小的，環境昏暗，枱上小小嘅電子蠟燭份外有情調。散發著祥和氣氛～慢慢睇陣餐牌，點左兩份set dinner，唔使諗吖嘛。先送上麵包，暖暖的，已預先烤熱了。麵包配上黑醋同橄欖油，簡單又美味。先來頭盤同餐湯，一個大碟上，賣相幾精緻。意大利風乾腩肉啤梨火箭菜沙律，有點苦嘅火箭菜配上帶甜嘅啤梨又意外地夾，食落清爽，再加埋腩肉嘅咸香幾正。蟹肉餅配蕃茄黑水欖沙沙，薯飯混入一絲絲嘅蟹肉，不會過份飽滯，唔錯。甘筍湯，是晚餐湯有驚喜，清甜暖胃，飲落帶有蔬菜嘅清新。美國西冷配香辣西蘭花車厘茄意大利飯要了六成熟，牛味一般，廷肉嫩的，意大利飯酸酸辣辣很開胃。海鱸魚柳配青口薯仔茴香車厘茄汁鱸魚跟青口鮮味十足，但個汁略酸了，有點失色。精選甜品係朱古力撻，勁濃朱味，正！晚餐$258一位再加一，可以坐足成晚不用趕交枱，慢慢吹下水享受一下啦。