Chalet (已結業)

一直都聽朋友讚賞CHALET呢間餐廳，今日終於有機會試下。大約六點幾來到食晚餐，未算好多人，唔洗排隊就可以入去。叫左兩個set dinner，有前菜，餐湯，主菜同埋甜品，飲品就唔包括。餐湯係西蘭花湯。夠濃又滑！前菜分別叫左法式肝醬配脆片，吞拿魚配三文魚子。 肝醬有濃濃嘅肝味，配脆片好開胃，而且唔油膩。吞拿魚同三文魚子都好新鮮，”眼仔”仲識得向上。主菜就叫左法式油封鴨腿配鴨胸+芒果香橙莎莎，阿拉斯加黑鱈魚+帶子昆布湯。鴨胸油脂味重，中意食就覺得好好食。而鴨腿就啖啖肉，較少油份，外皮煎到好脆。另外鱈魚比一般較滑身，配埋帶子昆布湯，有種好配合嘅感覺，大家都係海中食物，互相輝映。至於甜品，就係麵包布甸，賣相不錯，而且好好食。配搭一杯Margarita, 味道提升了不少！總括而言，食物質素不錯！