皇后小聚 (已結業)

因為樓上舖既關係，環境好靜，同朋友吹水一流。價錢合理，叫左6樣野加一，五佰頭埋單，食物質素都ok。1)火車頭 好大份 兩個正常食量既女仔食唔曬2)青咖哩大蝦咖哩點蒜蓉包一流！但兩隻大蝦有d粉同腥3)生菜包味道無乜太大特別，但勝在肉碎唔乾，夠juicy!!4)炸鮮魷普通，同出面街邊差不多，肉質仲有d鞋5)蒜蓉包超薄，超脆，因為無叫飯，特登叫來點咖哩！超正！6)芒果檽米飯同出面唔同既係食落有一陣陣好淡既香味，好似落左好淡好淡既食用天然精油咁既味，幾特別，朋友起初頭幾啖覺得有藥水味，但佢食落又覺幾好食！上菜速度快！服務fit到漏，行過既staff會望下食客有咩需要，話說手上得叉同🥄，見我拆蝦拆得好辛苦，職員即刻跑去拎刀，係真係跑，so cute。