吉野家 (已結業)

前排有日係對面馬路見到呢度原來有間吉野家，就上左黎食左個早餐。今日又想食打邊爐，即刻諗起呢度，應該容易搵位。今期有兩款窩，就係蟹棒窩同芝士竹輪窩咁就兩樣都試下啦～呢個係蟹棒窩，條蟹棒好長，冚唔到個蓋味噌湯底，味噌味都幾濃～青口四隻，好細粒似淡菜多D，有兩隻甩左殻，失望。蟹棒就得個長字，我覺得冇咩特別。而我揀左韓色粉絲，一煲就林，好入味。芝士年輪窩～呢款我揀左濃湯。長蟹棒同呢個蟹棒雖然唔同味，不過我覺得質素都差不多。兩款窩都有配牛肉，超韌唔係煮得耐，而係肉質差，好彩冇比多廿蚊追加！烏冬都OK啦，大約平時正常size1.5個麵餅。