影片
更多
2013-10-06
314 瀏覽
係報紙見到依間餐廳，打去訂位。但最快兩星期先有位，好啦唔理3，7，21，book左先。去到發現，報紙上既menu已經無左，原來餐廳會定期更新menu，用當造食材製造新菜式，依種concept我自己好buy有幾樣野同我睇報紙一樣，頭盤係其中一樣。蕃茄啫哩加蠔葉同話梅車厘茄，蕃茄啫哩一咬，爆左蕃茄味出黎，太神奇啦，明明就係透明但有蕃茄味，蠔葉有蠔味，車厘茄係話梅味，實係食到o曬咀，好味之途又得意，出奇過出奇蛋。之後黎個酒釀雞卷，店員話係今個月新菜式。雞卷用酒釀醃過再slow cook之後再加酒釀整成既啫喱片配以酒釀整成既汁，3種唔同層次既感覺，太有才啦。食完個雞卷，上左個盒黎。原來入面係龍吐珠，龍珠其實係蝦膠包龍眼，龍眼包蟹籽，一層包一層。因為龍眼水分豐富，成為良好隔熱層。蟹籽重保持刺身，食落感覺fresh d，層次豐富d第四道菜，都係最為之驚艷既一道，鵝肝蟹肉雲吞配冬瓜湯，鵝肝同蟹肉出奇地夾，上面有蟹肉同蟹膏配鎮江醋整成既啫喱同嘔緊泡蟹仔，做形攪鬼。原來個泡係紫蘇極成，好多人都識蟹配紫蘇解毒，但禁食我真係第一次見。大閘蟹食得多，禁食真係創意滿分既藝術品。主菜同朋友share 羊同帶子，個
有幾樣野同我睇報紙一樣，頭盤係其中一樣。蕃茄啫哩加蠔葉同話梅車厘茄，蕃茄啫哩一咬，爆左蕃茄味出黎，太神奇啦，明明就係透明但有蕃茄味，蠔葉有蠔味，車厘茄係話梅味，實係食到o曬咀，好味之途又得意，出奇過出奇蛋。
之後黎個酒釀雞卷，店員話係今個月新菜式。雞卷用酒釀醃過再slow cook之後再加酒釀整成既啫喱片配以酒釀整成既汁，3種唔同層次既感覺，太有才啦。
食完個雞卷，上左個盒黎。原來入面係龍吐珠，龍珠其實係蝦膠包龍眼，龍眼包蟹籽，一層包一層。因為龍眼水分豐富，成為良好隔熱層。蟹籽重保持刺身，食落感覺fresh d，層次豐富d
第四道菜，都係最為之驚艷既一道，鵝肝蟹肉雲吞配冬瓜湯，鵝肝同蟹肉出奇地夾，上面有蟹肉同蟹膏配鎮江醋整成既啫喱同嘔緊泡蟹仔，做形攪鬼。原來個泡係紫蘇極成，好多人都識蟹配紫蘇解毒，但禁食我真係第一次見。大閘蟹食得多，禁食真係創意滿分既藝術品。
主菜同朋友share 羊同帶子，個帶子真係真係無得頂，大大粒刺身帶子，煎香兩面，出面脆，入面重係刺身（講講下好似龍吐珠）食到依到已經好飽，但重有糖燈，雪糕同骰仔朱古力。禁好食我當然效曬入口啦，哈哈。
依餐真係好食又新奇，都係400幾蚊，重要免加一，真係無可挑剔。唯一可以話既係，好難book,所以馬上book左佢11月，lol，希望到時可以第一時間食到新menu,黎依到食野真係好似一期一會，一miss左就無
題外話/補充資料：
不時不食真係最好既"煮"意
(以上食評乃用戶個人意見 , 並不代表OpenRice之觀點。)
張貼
