星小館

營業中

休息中

第一次食《星小館》，說實話感覺真係一般。先講講服務，無論佢有其他客定冇其他客，叫佢地加茶真係叫得好辛苦，永遠走來走去，係咪咁鍾意《扮工》？我地一嚟到叫定左《冬瓜盅》，好味足料清甜，味道真係一流既。不過分左6碗之後，一直冇人問過我地有冇需要添不特止，竟然過左陣有個阿姐話幫我地收返入去，What??，當然我地唔俾啦，之後佢幫我地分多左5碗出嚟，到底發生了甚麼事？《脆米》花竹蝦，脆米好味既，不過蝦就不夠鮮甜爽口。《通菜煲》味道夠香夠濃，菜不會太老。《水煮魚》味道正常發揮，夠香麻夠不會太辣，不過魚片同水晶粉偏少。《欖角一口金沙骨》甜香俱備，夠香脆，一口size方便食，呢個無得輸。《椒鹽雙脆》，魷魚酥出色，另一款normal。《蒜心豬腩片》，唔知點解佢用左豆角？😅，算，係好食既，味道香濃，豬腩片爽口。《豉油王炒麵》，沒有預期般既水準，只屬一般。豉油亦不夠香，鑊氣都爭咁啲。