居食屋「和民」 (已結業)

前幾日同幾個同學過黎呢度食，呢度好多既午市定食。都唔知食咩好，全部都有野飲既，四十九蚊起，唔算太貴既呢個水平。沙律好新鮮，好多菜呀。我最鍾意係個麻醬，同沙律既味道好襯，好想再encore。黑咖喱豬扒飯我覺得同普通既咖喱無乜分別，只係個色比普通既咖喱深色啦。個味道就唔錯既，不過我覺得唔夠辣。始終日本咖喱唔會太辣既。而咖喱味都好夠同好香，唔差既。而個飯就幾煙韌，用咖喱送飯認真一流。柚子梳打呢個唔夠味，因為只係有普通既梳打水。再加柚子，其實唔會太夠味啦。午餐都唔差，唔算太貴。野食又好食，下次可以再黎。