影片
更多
2016-06-05
444 瀏覽
對於 TETSU 一早就係各大美食Blogger睇過唔少試食文，更有一些係開店前被請去試食的。當時大家對呢間店的評價都相當之好， 所以我對佢的期望都十分之大。所以當係知道當日會經過銅鑼灣就Bookmark起左地址希望可以一試。當時去到係7點半鐘左右，剛有2人入左去，只有我1丁友係門口排隊，可惜走的都係2~4人枱。所以我只好一枝公等了又等一個吧枱位近15分鐘，後面的情侶們就紛紛逾我而進。唉....入到去之後位置係最角落的吧枱位，柯打左最基本的沾麵(冷麵)+半熟蛋係等待的時候只好環觀四周同睇教食漫畫...其實內在佈置真心LIKE爆，雖然只係裝飾唔會真係攞黎用，但係見到咁多工具就知道制作一碗拉麵係絕不簡單。雖然我就唔係好明解點解要用鐵湯匙，不過有坑紋係尖尖的筷子就真係十分好夾，呢點小用心就更令我對佢有期待。只係等左十分鐘之後再觀察左一陣廚房.......成班唔知係"員工"定"完工"係度吹水，等煮麵的計時器響先會有下一步工作，都OK，出餐真心有效率，起麵到出餐唔洗2~3分鐘。只係廚房員工十分之有原則，一次只煮3~4個麵，堅持出完麵(包括冷麵)先會再落麵去煮，有柯打先入內廚房攞麵出黎分。就係我入
當時大家對呢間店的評價都相當之好， 所以我對佢的期望都十分之大。
所以當係知道當日會經過銅鑼灣就Bookmark起左地址希望可以一試。
當時去到係7點半鐘左右，剛有2人入左去，只有我1丁友係門口排隊，可惜走的都係2~4人枱。
所以我只好一枝公等了又等一個吧枱位近15分鐘，後面的情侶們就紛紛逾我而進。唉....
入到去之後位置係最角落的吧枱位，柯打左最基本的沾麵(冷麵)+半熟蛋
係等待的時候只好環觀四周同睇教食漫畫...
其實內在佈置真心LIKE爆，雖然只係裝飾唔會真係攞黎用，但係見到咁多工具就知道制作一碗拉麵係絕不簡單。
雖然我就唔係好明解點解要用鐵湯匙，不過有坑紋係尖尖的筷子就真係十分好夾，呢點小用心就更令我對佢有期待。
只係等左十分鐘之後再觀察左一陣廚房.......成班唔知係"員工"定"完工"係度吹水，等煮麵的計時器響先會有下一步工作，都OK，
出餐真心有效率，起麵到出餐唔洗2~3分鐘。
只係廚房員工十分之有原則，一次只煮3~4個麵，
堅持出完麵(包括冷麵)先會再落麵去煮，有柯打先入內廚房攞麵出黎分。
就係我入去到食完出返黎，佢起碼入過去3轉.....
再利害的就係佢的篩水技巧實在高超，UN兩UN再一個拳頭壓一壓就算......
咁再等等之後,到第2輪出餐先至到我，我當時其實已經等到睇無可睇，手機GAME都過左2次關先有得食。
我7半係門口等，7點九入座立即柯打，到上枱.......8點10分......
食沾麵禮儀其實同拉麵唔同，第1口係淨麵，志在感受下充滿麥香蛋香軟中帶勁的麵條。一食....好淡.....
再黎多次一次食2條...好啦都係好淡。
無咩麵粉味呀小麥味呀。單純的口感同........水喉水味.....
之後就咁試左小小個湯，湯就真係好得，夠味，黏度大約係三田的90%左右，不過魚介味足，豬骨味就弱返小小，都算重口味的湯。叉燒粒都好有肉香，有咬口又唔嚡，筍乾過左太耐唔記得咩味，應該普通
半熟蛋功夫唔錯，流心左小小不過無蛋腥味，雖然個人比較喜歡糖芯，不過入味得黎有鮮味又唔喊，十分好食。好啦，係咁重口味的湯之下，麵無味都無所謂啦...係呢個心態之下食沾麵的我
真係好傻好天真。
麵身太濕所以掛湯能力大減，而且逾食逾濕，個湯吸左水喉水之後黏度，溫度快速下降。
相付相乘之下未食到一半已經要用湯匙將半涼的湯同麵一齊放入口先夠味。
重要係一路伴隨住好重的水喉水味，同堅魚粉格格不入的2種味道同時係口入面，根本係一個折磨。
就算我再點努力人力隔水都好，味道都依然係好重，到最後，都有近3湯匙的"熱麵冷卻用水"留係麵碗入面。
再加上之前食左個啲.... 就証明到師傅(?的獨特篩水技巧係幾失敗下....
如果問我點解唔問員工攞特色熱石? 咁好啦，一開始我以為佢會好似漁場台風咁問人要唔要(當然我好快就知道係唔會啦.....成班唔叫唔陏
第2個原因係好難叫到佢地， 我格離有位姐姐佢想比錢啦，佢隻手差唔多舉左3分鐘都無1個員工見到，
係之後我等個廚房員工過返黎分麵時叫佢叫人黎的。
個個吹水還吹水呀，唔好用個SEAFOOD對住客人好唔好....
下次...差幾步路真係大把好選擇
題外話/補充資料：
好好地一間好高評分的拉麵店，我實在想像唔到會有咁的進餐"享受"
只係開左半年左右，同多位美食達人的文章介紹相比，水準應該係直線下降，最慘唔係大廚啲野食唔得，啲考功夫的野其實都好好食。
最慘就係請到一班無熱誠，根本唔適合飲食業的靚仔黎整臭間餐廳，煮幾好的湯。幾好的半熟蛋都無用。
只會比佢地的偷懶，不用心糟塌。
(以上食評乃用戶個人意見 , 並不代表OpenRice之觀點。)
張貼
