燕萍越南餐廳 (已結業)

燕萍同清亭合拼左後第二次黎食, 今次早左七點幾都幾多人. 依家地方寬闊左好多, 但今次食物質數就令我有d失望. 叫左生牛肉粉, 豬肉串燒, 蔗蝦同牛油雞翼. 除左牛肉粉比較好之外, 其他都嘛嘛地.生牛肉粉: 牛肉幾滑, 細碗其實都幾大碗豬肉串燒: 我上次黎都可以雙拼, 依家唔俾就揀左豬肉. 但d豬肉就比較乾同都食唔出豬肉味. 上次夜d黎整得好d, 起碼有肉汁同較香.蔗蝦: 都好大枝, 食蝦肉都飽飽地, 但d蝦肉就唔係幾香同d蔗好乾. 俾我揀下次會揀番炸蝦餅, 好食好多.牛油雞翼: d大細真係好飄忽. 有時好大隻, 但今次就好細隻同冇咁香, 水準真係要keep得好d.