影片
更多
2019-08-12
1149 瀏覽
頭盤係三款前菜拼湊而成嘅精美拼盤，石榴球係將石榴切成微絲加上話梅粉再搓成球狀，口感比起就咁一件石榴肉更為細膩而且味道亦開胃清爽；緊接芥末鮑角當然係用可持續再生嘅澳洲青邊鮑，慢煮後口感彈牙得嚟又比平時食到嘅鮑魚更軟身，而且仲有個wasabi醬提鮮；最後燈影牛肉就係將肩胛肉手切薄片再炸成，感覺好似台灣豬肉紙咁薄脆但又帶牛香✨湯品係椰皇燉雞湯，響用料上下咗唔少心思，以雲南火腿代替過份搶味嘅金華火腿感覺更為溫和，配上黑杞子同本地鮮雞，再加埋椰子水一齊熬燉，老火湯得嚟又唔會好上火，入口舒服✨兩道主菜有彷如珊瑚嘅雲蛋龍蝦球，同樣係可持續龍蝦尾，味道鮮嫩，再加梳乎厘質感嘅雲蛋同松露，無論味道定係質感都再添層次✨而東坡肉則滿滿嘅慢煮感，肉質超腍超鬆化，廚師介紹時亦特別提到烹煮時分別用咗鎮江醋同意大利陳醋兩種唔同感覺嘅醋嚟炆煮，帶香醇嘅醋香又唔會過於霸道，酸甜感同豬肉香完美混合，超好食超喜歡呢道菜✨飯食海龍王炒飯就係高功架之作，鮑魚龍蝦蟹肉同雜菜與炒飯完美結合，每樣食材大負都處理到大細差唔多，而且成個炒飯粒粒分明，口感亦都乾爽唔會帶多餘嘅油份，再加上面頭嘅紫椰菜令成個炒飯變成新潮打卡佳作✨最後甜品亦係好
湯品係椰皇燉雞湯，響用料上下咗唔少心思，以雲南火腿代替過份搶味嘅金華火腿感覺更為溫和，配上黑杞子同本地鮮雞，再加埋椰子水一齊熬燉，老火湯得嚟又唔會好上火，入口舒服✨
兩道主菜有彷如珊瑚嘅雲蛋龍蝦球，同樣係可持續龍蝦尾，味道鮮嫩，再加梳乎厘質感嘅雲蛋同松露，無論味道定係質感都再添層次✨
而東坡肉則滿滿嘅慢煮感，肉質超腍超鬆化，廚師介紹時亦特別提到烹煮時分別用咗鎮江醋同意大利陳醋兩種唔同感覺嘅醋嚟炆煮，帶香醇嘅醋香又唔會過於霸道，酸甜感同豬肉香完美混合，超好食超喜歡呢道菜✨
飯食海龍王炒飯就係高功架之作，鮑魚龍蝦蟹肉同雜菜與炒飯完美結合，每樣食材大負都處理到大細差唔多，而且成個炒飯粒粒分明，口感亦都乾爽唔會帶多餘嘅油份，再加上面頭嘅紫椰菜令成個炒飯變成新潮打卡佳作✨
最後甜品亦係好適合打卡嘅超精緻金魚奶凍，配上養生superfood奇異果籽同手工丸子，感覺清甜健康✨
成個六道菜套餐七百尾，雖然每樣嘢都好精緻細份，但食哂成個餐都幾飽，平時響酒樓食啲乜宴物宴都係差唔多價錢，但呢度唔係對住啲酒樓龍鳳裝修而係對住成缸魚有啲仲大條過成個人，淨係個震撼感都抵返哂😍
張貼
