水木日本料理 (已搬遷) 新店位置

喂！三缺一喎，不如開枱啦，同事A說。打牌就唔使預我啦，贏咗又要萬歲，輸咗就更加慘，不如開開心心一齊食返餐仲好啦...就係咁我就將三隻迷途嘅羔羊從賭海中帶走。其實當時我都未諗到食乜，突然想起老友話譚臣道有一間日本料理唔錯，問咗地址後，我呢個牧羊人就帶住幾隻羔羊仔去啦。𨋢門一打開，我就完全感受到店家嗰份閒逸。去日本餐廳有一度好，就係可以讓腦袋放空，叫Omakase請廚師幫我諗...先來客餐前小食第一道菜一打開蓋，哇！不得了！原來係海膽蒸蛋，海膽鮮味濃郁，閃動的鱗光彷彿向我的嘴巴招手，水蛋蛋香撲鼻，滑不溜手，廚師控制火路一流!廚師精選咗五款刺身俾我哋，包括鯛魚、左口魚、帶子、甜蝦、三文魚，每款都好新鮮甜美，令人幸福滿滿！這客和牛沙律，肉質非常嫰滑，油脂甘香，配搭番茄同蔥粒減輕了油膩感，令人有繾綣夢魂的感覺！鹿兒島豚肉串，油香撲鼻，肉質鹹香鬆化，非常惹味!烤雞翼，我鍾意食！汁煮𩶘魚頭，魚味豐盈，肉質嫰滑，尤其係啲蘿蔔非常入味最後一道菜係蔥粒吞拿魚飯，魚味及油脂在口腔中迴蕩，久久不散！超好味最後一提係店員非常有禮，服務態度好。每人四百幾就可以食到性價比咁高嘅Omakase，我同三隻小羔羊都一致俾