NUTTEA (旺角中心第一座) (已結業)

放假出旺角，今日就同老公一齊黎試下呢間nuttea , 如果係TOP個邊行過去旺角中心，要落一層就搵到Nuttea 啦。睇完menu, 勁多選擇，本身想試奶蓋茶，不過岩岩食飽飯，想飲返茶飲，消消滯。夏天咁口渴，梗係要飲杯茶解解渴啦。而我就叫左杯四季春水果茶（半糖），老公就叫左杯滿杯葡萄（半糖）。四季春水果茶（半糖）平時如果飲檸茶都唔加糖，飲半糖就岩岩好，水果味香濃，加埋個茶，酸酸甜甜好開胃，我覺得一般人應該試微糖/正常糖啦～水果有熱情果，橙，西瓜等等。滿杯葡萄（半糖）老公叫呢杯原來係提子沙冰黎嫁，沙冰打得幾好，半糖甜度岩岩好，飲完唔會覺得口乾，提子味一D 都唔假，清涼透心呀，夏天飲超正。下次行過，一定要再飲呀。