茶芝味 (已結業)

一直都好想試下依間小店, 支持下年輕人. 今日經過就買咗杯招牌水果茶 (走冰, 少甜). 可能走冰嘅關係, 杯水果茶都係好甜. 坦白講茶味真係唔係好出, 有啲似果汁糖嘅味道. 不過以$28嚟講, 有嘢飲之餘, 仲有幾舊橙, 檸檬同西瓜, 算係咁啦.雖然我唔會再買佢哋嘅水果茶, 但下次都想試下佢哋芝士奶蓋系列嘅飲品 (話晒個名叫茶芝味, 應該唔係伏嘢). 另外, 佢哋仲有花茶系列嘅飲品, 都幾吸引.