昌發泰國粉麵屋

營業中

休息中

第一次嚟呢間泰國菜館食，叫咗好多款菜式，總括來講，水準一般，試一次就夠。蝦餅唔錯，即叫即炸，每台都叫。冬陰公都唔錯，不過略為甜咗啲，如果酸味重啲會好食啲。鹹魚炒芥蘭都幾好，但如果鹹魚味再重啲就好啦。九層塔炒蜆就唔係好抵食，得幾隻有肉。串燒拼盤一般，好乾，唔值得叫。鴨肉湯河都幾好，幾鍾意個河粉，佢係好闊嘅，但係鴨肉有啲乾，冇乜肉味。叫咗個雞肉濕炒河，個人就唔係好鍾意，太油。生菜肉碎包就超正，佢有兩款嘅，一款係辣啲，另一款就算啲，我哋揀咗辣啲嘅款，好好食！