添好運點心專門店 (裝修中)

有一段時間沒有來添好辛食野，今日午飯心血來潮來食一食，發現已經無咩大驚喜，食物水準一般，同普通酒樓質素差不多。馬拉糕太甜，鳳爪太多醬，味太濃，食落去覺得黏口。士魷蒸肉餅d土魷可能浸得太耐，無晒魷魚味，一d都唔好食。牛肉球都ok,正正常常，食落唔會覺得多粉。鮮蝦腸粉都算不錯，但上菜時唔夠熱，令到無咁好食。最好食都算係酥皮叉燒包，個皮好鬆脆，餡料足，熱辣辣，幾好味。不過如食這些質素既食物，下次唔駛特登排隊攞位，是但去一間酒樓也差不多，唯一佢每人只收$3茶介，又唔駛加一，這是唯一比其他酒樓優勝的。