影片
更多
2010-11-06
15 瀏覽
星期三由紅磡放工，由於唔洗再番公司，所以可以去食野。由黃埔船行去明安街都唔算太近，行大概15分鐘。去到時都5點半，店內有少許人客。兩個人點咗小籠包 (4隻)、素菜餃(4隻)、煎鍋貼(4隻)、同兩隻生煎包。全部即叫即煎/蒸，非常新鮮。煎鍋貼好正，每次都會食。佢地會煎到個皮底好脆，入面d肉仲好juicy~加埋醋一齊食勁正！小籠包新鮮蒸起，超燙口，肉汁豐盈，皮又夠薄。素菜餃都好得，素菜餃製作很花時間，要將菜剁都好幼細，青菜味很清爽，中和番小籠包同煎鍋貼的肥膩感。生煎包一碟4隻，但我地食唔晒，於是問老闆娘可唔可以要兩隻，佢話其實隻價同一碟嘅價錢都係一樣，所以我地就要咗兩隻。其實我本人並唔好生煎包，但呢度整得幾好食。尤其係個包皮，好鬆軟，又有少少甜味，裡面舊肉都好多汁，不過就比較肥膩，因為d包吸晒d油~整體十分滿意，又平又好食~如果我屋企附近都有間咁有水準嘅飽餃店就好啦！
由黃埔船行去明安街都唔算太近，行大概15分鐘。
去到時都5點半，店內有少許人客。
兩個人點咗小籠包 (4隻)、素菜餃(4隻)、煎鍋貼(4隻)、同兩隻生煎包。
全部即叫即煎/蒸，非常新鮮。
煎鍋貼好正，每次都會食。佢地會煎到個皮底好脆，入面d肉仲好juicy~
加埋醋一齊食勁正！
小籠包新鮮蒸起，超燙口，肉汁豐盈，皮又夠薄。
素菜餃都好得，素菜餃製作很花時間，要將菜剁都好幼細，青菜味很清爽，中和番小籠包同煎鍋貼的肥膩感。
生煎包一碟4隻，但我地食唔晒，於是問老闆娘可唔可以要兩隻，佢話其實隻價同一碟嘅價錢都係一樣，所以我地就要咗兩隻。
其實我本人並唔好生煎包，但呢度整得幾好食。尤其係個包皮，好鬆軟，又有少少甜味，裡面舊肉都好多汁，不過就比較肥膩，因為d包吸晒d油~
整體十分滿意，又平又好食~
如果我屋企附近都有間咁有水準嘅飽餃店就好啦！
張貼