好掂

營業中

休息中

第三次食，第一次食時好驚喜，個burger好食到震，而且超值，第二次再食都仲係有水準，今次去真心失望，唔知係唔係轉咗人，有位菲藉人士招呼，感覺有D劏客，以往睇簿仔揀食邊塊，依家拎兩件俾你二揀一，但兩件都鬼死咁大，張張枱件牛都食唔哂，但我地四條佬食又點會覺得食唔哂呢，佢就拎件斧頭同大T骨俾我地揀，四對眼互望唯有揀件T骨，想食medium rare，點知來到一切已經well done，完全浪費件牛，搵菲藉人士反應，佢就望一眼就算，剩係拎碟芥辣來就當無事，兼且無最想食既burger竟然無，十萬個失望！順帶一提以後最好問咗牛既價錢，因為件T骨竟然1800蚊，以往食開一件牛600至800，今次絕對中伏！