影片
更多
2010-09-27
7 瀏覽
平日返工食午餐時間只有一個鐘，而芽莊門口條隊又成日都咁長，所以近半年都少左幫襯。上個月突登搵個星期六同屋企人去食，點知水準差左咁多。以前喺門口排隊有個好勤力既姐姐仔寫飛，客人都好有秩序地喺門外等。而家就唔同，不但冇職員理會門外迷茫既食客，顧客更要自行入去餐廳＂報名＂先會有飛；出面根本冇人排隊，非常混亂。雖然餐廳入面係有位，但係都要等成15分鐘先比位我地坐，真係令人費解。埋位落單時，個個都好似唔得閒幫你咁，真係火都黎。除左服務差左，連食物都好唔掂擋： 越南春卷：個餡味道幾好，肉亦切到好碎，不過個皮就炸到唔清唔楚，又厚又唔脆重要係靱既；最差係個魚露汁，味道教得一塌糊塗，唔咸唔甜唔酸，失敗之中既失敗。 蒸粉卷：個餡好明顯係同越南春卷嗰個係一樣，好好食；個皮都蒸得唔錯，唔會太厚；好可惜，冇左個合格既魚露汁，小弟都好難推介比大家。 燒乳豬：肉質其實幾嫩，不過肥膏太多，味道太咸。 軟殼蟹卷：軟殼蟹炸粉太多，味道淡得黎有少少燶，再加上個魚露汁出左問題，如果唔係怕浪費食物，真係唔想食哂碟野。 生牛肉河粉：份量比以前少；味精湯河一碗，勝在牛肉夠薄夠嫩，攞返d味道分。總結：又貴又唔好食，服務態度欠佳，就算
以前喺門口排隊有個好勤力既姐姐仔寫飛，客人都好有秩序地喺門外等。而家就唔同，不但冇職員理會門外迷茫既食客，顧客更要自行入去餐廳＂報名＂先會有飛；出面根本冇人排隊，非常混亂。雖然餐廳入面係有位，但係都要等成15分鐘先比位我地坐，真係令人費解。埋位落單時，個個都好似唔得閒幫你咁，真係火都黎。
除左服務差左，連食物都好唔掂擋：
越南春卷：個餡味道幾好，肉亦切到好碎，不過個皮就炸到唔清唔楚，又厚又唔脆重要係靱既；最差係個魚露汁，味道教得一塌糊塗，唔咸唔甜唔酸，失敗之中既失敗。
蒸粉卷：個餡好明顯係同越南春卷嗰個係一樣，好好食；個皮都蒸得唔錯，唔會太厚；好可惜，冇左個合格既魚露汁，小弟都好難推介比大家。
燒乳豬：肉質其實幾嫩，不過肥膏太多，味道太咸。
軟殼蟹卷：軟殼蟹炸粉太多，味道淡得黎有少少燶，再加上個魚露汁出左問題，如果唔係怕浪費食物，真係唔想食哂碟野。
生牛肉河粉：份量比以前少；味精湯河一碗，勝在牛肉夠薄夠嫩，攞返d味道分。
總結：又貴又唔好食，服務態度欠佳，就算有人請都要三思。
張貼
