影片
更多
2013-06-09
411 瀏覽
好耐冇去中要翠華，同朋友行完街太攰拿拿林入去消暑兼食晚飯，上左二樓坐，記得以前成日浦去翠華醫肚，D侍應都仲好地地，有禮貌，而家唔知發生咩事，個個好似殺左佢全家既面口，本來同朋友坐底睇MENU諗食乜，女侍應鄭X梅好似嫌你諗得耐咁，拍一拍枱面問：「叫野食未！」我地叫左一客蕃茄雜菜意粉，咸牛蛋潛艇，紫菜四寶同飲品。隔左一陣，野食到，因為叫左個潛艇好大個，普通刀切會散開晒D涵，所以問個男侍應可唔可以幫我地叫廚房切（因為廚房有切包刀），點知佢個樣係企係度諗，諗左起碼5秒，態度好似想話我地知「唔可以喎」，咁我地好友善咁叫佢問下丫，轉頭佢拎入去，女侍應鄭X梅同佢講「比番佢自己切！」於是個男侍應拎番碟包番黎話「廚房好忙唔得閒切喎！」，然後另一個男侍應就拎左兩把餐刀好大力咁放上枱面。唉，心諗算啦，好小事，不過講真，女侍應鄭X梅工作時既面口真係九成似陳靜心，藐嘴藐舌，態度好不滿，我地走果陣，朋友唔小心整跌杯清水，全場侍應黑面，當然包括鄭X梅好似陳靜心上身，好似真係殺左佢父母咁，嬲到想報仇果隻，我同其他朋友驚比佢地鬧衝落樓下比錢。大佬。。。又唔係有心，都唔洗咁下嘛，做得服務行業，當然要有基本既服務態度，而且
我地叫左一客蕃茄雜菜意粉，咸牛蛋潛艇，紫菜四寶同飲品。隔左一陣，野食到，因為叫左個潛艇好大個，普通刀切會散開晒D涵，所以問個男侍應可唔可以幫我地叫廚房切（因為廚房有切包刀），點知佢個樣係企係度諗，諗左起碼5秒，態度好似想話我地知「唔可以喎」，咁我地好友善咁叫佢問下丫，轉頭佢拎入去，女侍應鄭X梅同佢講「比番佢自己切！」於是個男侍應拎番碟包番黎話「廚房好忙唔得閒切喎！」，然後另一個男侍應就拎左兩把餐刀好大力咁放上枱面。
唉，心諗算啦，好小事，不過講真，女侍應鄭X梅工作時既面口真係九成似陳靜心，藐嘴藐舌，態度好不滿，我地走果陣，朋友唔小心整跌杯清水，全場侍應黑面，當然包括鄭X梅好似陳靜心上身，好似真係殺左佢父母咁，嬲到想報仇果隻，我同其他朋友驚比佢地鬧衝落樓下比錢。
大佬。。。又唔係有心，都唔洗咁下嘛，做得服務行業，當然要有基本既服務態度，而且野食越來越貴，個紫菜四寶都好D，但雜菜意粉食過好幾次，今次係離晒大譜，睇色水好似蕃茄水撈過熟意粉，食到落口淡而無味，衰過大家樂，又唔敢講，費事班侍應加料，最後我地要點茄汁先平衡番。
講真，食物貴係其次，如果真係值，好食兼服務好，我覺得係合理，最斃難食之餘仲要貼錢買難受，冇叫你地當我地上賓款待，但都唔需要黑口黑面卦.....我諗我都盡量少d去中要翠華了。
張貼