茶木‧台式休閒餐廳 (已結業)

仲記得茶木一開始興起時我都幾鍾意去食，但隨住佢分店越開越多，淨係九龍灣已經有兩間，我就覺得佢啲質素開始下降。以前大排長龍，而家已經少左好多人食，呢日我地去到都唔洗等位就入得。餐牌上啲野好似十年如一日咁，冇咩新鮮感，不過都有幾樣係每次去食都例牌要嗌既。蠔餅同蠔仔泡飯就係其中兩樣，個泡飯尚可，係個湯較稀唔夠濃味，蠔仔亦唔算多。蠔餅就一般，煎得太乾又太油，蠔都一樣係唔夠多。咕嚕肉就唔錯，鍾意佢有幾種水果，配搭新鮮。個蝦就尚可，蝦肉可再彈牙一點。仲有個牛肉麵就退步哂，啲麵好硬唔入味，鹽酥雞好乾又咸。芒果特飲不錯，但果茶較酸。