School Food (已結業)

School food 記得呢一間餐廳啱啱開張嘅時候，曾經引起一陣哄動同埋吸引一大班喜愛新派韓國料理嘅朋友去試食，但係熱潮過後，今日去到荃灣嘅分店，已經冇咗昔日排隊嘅境況，食物嘅質素今非昔比，真係大失所望。韓風午市套餐Oppa 豬肉彈彈涼麵$72 一款小食同主菜配甜薯沙律套餐仲免費加送一杯School food特飲添及一客水果杯。首先要讚一讚個面係非常煙韌，個面本身好有嚼勁，豬肉都好入味，烤得幾香口，但係個汁非常之油膩。人氣組合signature combos都有四款選擇，但價錢就會比午市較貴$108紅葉花卷(紅菜頭、蟹肉、紫蘇共七件）拼 兵長烤雞鐵鍋飯。先講個花卷，可以用冇味道來形容。個飯顏色好吸引，但係完全係味道欠奉，好令人失望。烤雞鐵鍋飯，如果你合上眼，但個飯嘅造型同埋味道，令人覺得好似食緊快餐店嘅快餐一樣，合上眼會覺得自己坐係大家樂或者大快活嘅快餐店入邊，品質同賣相一般，完全不值呢一個價錢。相信不久將來都唔會再到訪。