YOLO (已結業)

喺佢剛開嘅時候已經幫襯，佢嘅西餐係好食，飲品水準高，而且價錢合理，服務人員亦熱心。見佢由起初好靜，到開始多人幫襯，心底真心替佢開心。後來，唔知咩原因，餐廳變成泰菜，服務人員超hea 成日傾計，晚餐質素尚算可以，間中都會外賣返屋企。但下午時段呢，堂食，感受到服的人員同食物水準好似爭少少。今午餐廳人唔多，叫咗個海南雞飯加凍白咖啡，海南雞飯發揮算正常，但啲雞無徹底切好！ 我想講個重點係，杯凍白咖啡，簡直離譜，係一杯咖啡水，咁都沖得出比客飲，其實係咩一回事呢？