敏華冰廳 (新都會廣場)

營業中

休息中

今朝約咗同事去敏華食早餐，因為特別欣賞佢哋嘅炒蛋同飲品。今日點咗炒蛋·腸仔·牛油多士配凍阿華田。炒蛋水準依舊，又嫩又滑，又有蛋香味。不過好可惜宜家佢哋唔係用廚X腸了。牛油多士不過不失，如果可以脆啲燶啲會好食啲。飲品永遠唔會令人失望，平時會叫凍奶茶，茶味香濃，同奶嘅比例控制得宜，口感順滑，甜度適中。今日想轉吓口味，揀咗阿華田，味道濃郁，飲落唔會好稀，絕不欺場。餐廳通風同抽氣做得比較差，食完出嚟通常成身油煙味，希望餐廳可改善一下。