十三姨酸菜魚 (置富都會)

營業中

休息中

見到食評唔錯又唔貴，所以嚟試下，我哋點了晚市二人餐！酸菜魚的份量好足，魚好滑，最美中不足係個湯無咩酸菜味，味淡但辣，比起椒麻雞更辣，但點菜係無辣度揀的，淡而辣的湯實在唔想飲，水晶粉好滑，配料都OK。椒麻雞都好食，唔辣，蔥油香好食，如果可以再麻啲再辣少少就更好，而家有啲似蔥油鷄，見到鷄胸，以為會鞋，但都OK喎，可以接受，而且啖啖肉。皮蛋OK都唔錯，二人餐嚟計份量都多。鷄翼即炸脆卜卜，好滋味，不過其中一隻只得半隻一支骨，炸粉包住睇唔到，咬開才見到。套餐包兩碗飯同飲品，加錢可飲其他，以份量計好抵食，如果可以改善埋個酸菜魚湯就更加好。