Neighbor (已結業)

終於安然地趕完deadline，上司決定請我食番餐以示奬勵。上司實在太好，做完資料搜集後，決定帶我到銅鑼灣的Neighbor巴馬火腿蜜瓜沙律油醋汁@新鮮沙律菜加上一片片巴馬火腿，巴馬火腿夠哂鹹香惹味，配上清甜多汁嘅蜜瓜，天然嘅甜味中和返鹹香，果然係完美配搭。黑醋另上，可以自行調節酸度，健康得黎又清新醒胃炭燒和牛配三文魚籽@三文魚籽鋪放喺兩片青瓜上，同和牛粒一齊以鐵板上，和牛粒上嘅柴魚片增添了日式風味。第一次食暖嘅三文魚籽，感覺其實同平時都差唔多，口感脆嫩甘香，温感黎講有啲得意；和牛粒都唔錯，不過熟度有啲難控制，容易有過熟嘅情況美國安格斯肉眼@呢到嘅肉眼扒份量十足，夠哂大塊厚身，點左七成熟，肉質帶少少粉嫩，脂油比例適中，食落有啲嚼勁，牛味都幾濃厚。另外有薯條同沙律作伴菜，薯條都幾粗身，炸得好香口，好快就清哂，最特別係芝士焗牛油果，切好粒嘅牛油果，加上少量芝士，唔會太膩，又令人食唔停水牛城雞翼@外皮熱辣香脆，內裡雞肉好嫩滑，配上甜甜辣辣嘅醬汁，好過癮，連平時唔食雞翼皮嘅朋友都成隻食哂芝芝芒芒雪沙@芒果沙冰再加上奶蓋，飲落芒果味好清新，同奶蓋順滑嘅口感，配合起來綿綿滑滑，鹹甜得宜