皇茶冰室 (已結業)

前幾日天氣凍左好多， 突然想食嚇雞煲打下邊爐， 就隨意咁樣入咗呢間位於荃灣嘅皇茶冰室。呢度嘅雞煲嘛度同辣度都可以自己控制， 由於朋友唔太食得辣， 我哋就揀咗小麻同小辣。雞煲食落十分之惹味， 麻度同辣度都控制得啱啱好， 雞嘅份量亦都十分之充足， 兩個女仔食完已經覺得幾飽。 但係食得啲雞煲又點可以唔打邊爐呢， 所以我哋都仲叫咗啲配料嚟打邊爐。之後嘅配料係逐樣逐樣咁計錢， 我哋就分別叫咗午餐肉、鮮牛、生菜同肥牛。生菜索曬雞煲嘅香味， 食落又麻又辣咁， 非常香口。鮮牛肉較一般肥牛滑嫩，都幾好食。