八王子拉麵館 (已搬遷) 新店位置

有日忽然想食拉麵 , 諗住去開油麻地買野 , 本來想去橫綱拉麵 , 不過諗下 ： 唔知附近有咩其他拉麵店選擇 ? 於是上 openrice check 下 , 發覺呢間 「 八王子 」 評語不錯 , 決定去試下 。店面細細 , 不過都坐滿 7 成人 , 以年青人居多 我地揀左每人一個麵 ： 北海道蟹柳拉麵 和 香濃芝士拉麵 , 加多個燒芝士年糕 。 麵送來之後我先喝了一口湯 , 味道很淡 , 但味精不多 , 再食一口麵 , 麵質出奇的好 , 除了彈牙之外 , 亦好有麵味 , 漫在湯裡到我食完 , 麵都不會變稔 , 不過蟹柳就由幅圖的四條變左兩條 , 而且蟹肉極稔 , 一 d 蟹肉味都冇 , 失望 ~ 香濃芝士反而幾好味 , 除左芝士搶味之外 , 仲有豬頸肉 , 溫泉蛋 , 紫菜 , 芽菜 同粟米 。 要一讚的是溫泉蛋煮得剛剛好 , 好好味 ! 燒芝士年糕好多芝士呀 , d 年糕圓碌碌同韓國年糕一樣 , 煙煙靱靱 , 混埋芝士 , 口感好夾 ! 食完啱啱好飽晒 ~ 呢餐都值 80 分 既 , 下次會再來試埋其他 。