鐵板神燒 (已結業)

每次經過朗屏都想試，不過時機唔太對。適逢星期日晚時間尚早，就決定要去試一試。七點左右到餐廳，由於限聚令，店內只有兩台客。我地先係自動購票機落order，然後姐姐就帶我地埋位。整個用餐過程就係廚師係你面前炒，炒好就會放到你面前。- 鐵板清酒煮大蜆呢個唔記得影相，但係絕對係水準之上。個蜆大大隻，咬落又有肉埋，無沙，十分乾淨。個清酒底好濃酒味，忍唔住要飲多兩啖。- 日式雜菜普通牛油炒椰菜。見到廚師落左好多牛油，炒出黎都頗香。椰菜本身夠爽口，而且兩人各自都有一碟，份量頗多。- 黑松露帆立貝帆立貝算大隻，清乾淨晒內臟部份，剩底中間白肉。唔係好重黑松露味，反而酒味更重。- 安格斯厚燒西冷呢個可以算係鋪頭招牌，一上碟就忍唔住影一影先。牛肉肉味濃，熟度剛剛好，唔會overcooked，都幾嫩。美中不足係有點咸，可能吃正個口未溶晒鹽。配菜用嘅醬都備重口味。整體而言係水準以上，對得住價錢。- 鐵板櫻花蝦炒飯本身師傅用熱飯炒，所以成個飯身就較軟同濕。味道不錯，櫻花蝦香味好出。如果用冷飯炒，應該會更好食。本身係好想試佢個跳舞豆腐同鵝肝，不過一早就賣晒，希望下次再食嘅時候會食到啦！