影片
更多
2008-12-19
18 瀏覽
由於上一餐個小x國上海菜食到老公發晒脾氣~所以今次都係返回我地食開既南翔!!不過都差唔多成9點幾先去到, 竟然仲有人等緊位!!等左一陣已經有位,梗係拿拿臨入去醫肚先啦~入到去人頭湧湧 熱鬧到不得了我地之所以鐘情於南翔,係因為佢一分錢一分貨,除左冷盤(約$4x)貴左少少之外, 其他食物都唔算貴。係銅鑼灣黎講,做到$5x一個熱盤仲有咁上下水準既真係唔多! 今次去到坐低, 老公照舊飲龍井, 我要左杯普洱~d茶葉都唔錯, 沖左3-4次水都好夠味~ 冷盤叫左個蒜泥肉碎四季豆, 上次已經試過唔錯, 今次$42都叫黎食四季豆唔會過熟又冰凍 , 夠爽口, 稍嫌肉碎少左d, 不過都還可接受~ 鮮肉小籠包$33/6隻 --- 6隻無穿無爛,又望到中間舊肉, 唔算厚皮得去邊, 但夾起時又唔會穿~ 朋友教落食果時要先反轉個小籠包, 吉穿個底將d汁漏晒落隻湯匙度, 然後再醋食, 先唔會熱親咀仔。今次我地一於照做, 發現個小籠包d汁可以漏滿成隻湯匙!! 正呀~ 計起來, 大概$5.xx 一隻小籠包, 比起小x 國$25/3隻,,,即係$8.xx 一隻小汁又細隻既小籠包,,諗完仲更加覺得抵食! 竹笙燉雞(一
所以今次都係返回我地食開既南翔!!
不過都差唔多成9點幾先去到, 竟然仲有人等緊位!!
等左一陣已經有位,梗係拿拿臨入去醫肚先啦~
入到去人頭湧湧 熱鬧到不得了
我地之所以鐘情於南翔,
係因為佢一分錢一分貨,
除左冷盤(約$4x)貴左少少之外, 其他食物都唔算貴。
係銅鑼灣黎講,做到$5x一個熱盤仲有咁上下水準既真係唔多!
今次去到坐低,
老公照舊飲龍井, 我要左杯普洱~
d茶葉都唔錯, 沖左3-4次水都好夠味~
冷盤叫左個蒜泥肉碎四季豆, 上次已經試過唔錯, 今次$42都叫黎食
四季豆唔會過熟又冰凍 , 夠爽口, 稍嫌肉碎少左d, 不過都還可接受~
鮮肉小籠包$33/6隻 --- 6隻無穿無爛,又望到中間舊肉, 唔算厚皮得去邊, 但夾起時又唔會穿~ 朋友教落食果時要先反轉個小籠包, 吉穿個底將d汁漏晒落隻湯匙度, 然後再[點]醋食, 先唔會熱親咀仔。今次我地一於照做, 發現個小籠包d汁可以漏滿成隻湯匙!! 正呀~ 計起來, 大概$5.xx 一隻小籠包, 比起小x 國$25/3隻,,,即係$8.xx 一隻小汁又細隻既小籠包,,諗完仲更加覺得抵食!
竹笙燉雞(一盅) --- 老公最鐘意飲!! 雖然一盅唔算太大不過我地兩個人飲都唔會話太少。入面有齊竹笙,雞肉等材料架~!! 名副其實既麻雀雖小,五臟俱全~ 哈哈!
紅燒獅子頭 --- 送飯一流!! 淨食會覺得有d鹹, 不過$5x有兩大舊幾抵食, 個醬油味岩岩好, 唔會搶左肉既鮮味~ 連我平時晚餐食2啖飯既人都扒左大半碗飯!!!!
[九]王炒鱔糊 --- 又係老公最愛! 幾乎次次來都叫, 加埋pepper真係好惹味! 大大碟, 好過出面好多, 起碼d鱔有返咁上下粗幼, 唔會係牙籤size。老公仲大讚無雪藏味添!
白飯x2
食到我地兩個肚腩都出埋黎, 超誇張!
下次再去呀!!!!!!!
張貼