傳點心意 (已結業)

呢日我陪老媽去元朗行街，經過附近的酒樓諗住飲茶，咁岩見到傳點心意的門口 poster，看見那裡的點心賣相不錯，於是我們便決定來呢間飲茶了。我們好彩只係等了 5 分鐘，咁岩有人離開，好快就有位坐，否則大熱天時，在門口等位等得耐都會熱死呀~舖頭地方唔大，大概坐到三十人左右。我們一坐低，侍應問我們飲邊種茶，她列了除了幾款常聽到的中國茶之外，亦都提及「來自韓國的大麥茶」。貪新鮮如我，便叫了這壺大麥茶。大麥茶的茶味很香，有點像日本的玄米茶，老媽說好像是炒過的米香。本來我想叫番籠得意公仔樣的點心包，亦都係呢間店舖的賣點之一，可惜剛剛賣晒，要再等下輪至有了。於是我們首先叫了出面 poster 有的「木魚花蘿蔔絲腸粉」，一件一件豎直在碟上，質感比較挺身，賣相有少少似炸兩，分別係腸粉上面有好多木魚絲和脆脆的蝦米。腸粉包住有香香地軟淋淋的蘿蔔絲，仲有炸到金黃色又香脆的炸粉，口感相當卜卜脆，好味道。紫薯流沙包，三件一籠的白包，送來時是熱騰騰的。包的口感都幾鬆軟，裡面的紫薯餡都幾綿泥，而且有清清淡淡的甜紫薯味，如果要挑剔的話，便是沒有做到流心的效果了。傳點蝦餃 (2隻)，蝦餃裡的蝦都大隻而鮮美，可以用皮薄餡靚