影片
更多
2023-06-08
31 瀏覽
友人係呢間食過午餐，成日心思思想試埋晚餐質素，係佢誠邀之下就成就咗呢一餐見到以色彩燈光打造下嘅酒吧，無錯…..…呢度有Happy Hour (3-7pm)見到枱上餐牌有呢個2人餐，唔駛煩就呢個啦套餐包兩杯鷄尾酒飲品，唔飲酒嘅，可以轉飲Mocktails，呢兩杯以果味為主嘅一黃一紅為Morning After (百香果，青瓜加梳打水)及 Ferro-Raspberry (雜莓加梳打水)，味道香甜又有梳打水嘅氣泡感，夏天飲岩晒。飲緊嘢之際，作為前菜嘅香蒜忌廉白酒煮藍青口配法包就上枱選用澳洲青口，每隻都幾飽滿，入口香甜嫩滑，一D”渣”都無; 個香蒜忌廉汁都助攻不少，香滑之中唔會過咸，用法包唔用多士係精心配搭，包身容易索到多D醬汁，好好味。友人話想食薄餅，提議呢個牛油果鷄肉薄餅 ($128)，份量夠2-3人食。以微脆餅底作基底， 舖滿鷄肉及牛油果醬，再唧上沙律醬汁; 少少拉絲場面咁啦，熱辣辣都唔錯。餐包兩客主菜，飯類唔駛選，送上北海道帶子蘑菇意大利飯加入巴馬臣芝士令整個意大利飯變得香濃，偶爾食到蘑菇粒增加口感; 煎香咗嘅帶子入口嫩滑，再大隻少少就仲GOOD。(哇哈哈……)另一客主菜…………….
見到以色彩燈光打造下嘅酒吧，無錯…..…呢度有Happy Hour (3-7pm)
見到枱上餐牌有呢個2人餐，唔駛煩就呢個啦
套餐包兩杯鷄尾酒飲品，唔飲酒嘅，可以轉飲Mocktails，呢兩杯以果味為主嘅一黃一紅為Morning After (百香果，青瓜加梳打水)及 Ferro-Raspberry (雜莓加梳打水)，味道香甜又有梳打水嘅氣泡感，夏天飲岩晒。
飲緊嘢之際，作為前菜嘅香蒜忌廉白酒煮藍青口配法包就上枱
選用澳洲青口，每隻都幾飽滿，入口香甜嫩滑，一D”渣”都無; 個香蒜忌廉汁都助攻不少，香滑之中唔會過咸，用法包唔用多士係精心配搭，包身容易索到多D醬汁，好好味。
友人話想食薄餅，提議呢個牛油果鷄肉薄餅 ($128)，份量夠2-3人食。
以微脆餅底作基底， 舖滿鷄肉及牛油果醬，再唧上沙律醬汁; 少少拉絲場面咁啦，熱辣辣都唔錯。
餐包兩客主菜，飯類唔駛選，送上北海道帶子蘑菇意大利飯
加入巴馬臣芝士令整個意大利飯變得香濃，偶爾食到蘑菇粒增加口感; 煎香咗嘅帶子入口嫩滑，再大隻少少就仲GOOD。(哇哈哈……)
另一客主菜…………….慢煮牛頰肉亦都出埋場，留意到個薯蓉配以椰菜花，整成隻天鵝，幾鬼得意喎，仲有半件春卷。
件牛頰肉已切成片，基本上用刀輕輕一界已可分成2件，牛嘅”面豬登”喎，仲要係以慢煮手法，未食已經估計係腍滑，結果同預測一樣，配埋個西班牙紅醬汁，幾香濃，食得輕鬆無負擔。
甜品時間係提拉米蘇與火焰雪山二選一，跑出嘅係視覺先勝一轉先嘅火焰雪山。
蛋白微微燒香咗，外鬆軟內裏有雪糕蛋糕，雙重夾擊，份量岩岩好。
坐得幾舒服，唔嘈吵傾下計都唔錯，MOOD到嘅叫多杯嘢飲再傾多陣都可以。
張貼
