紅橋 (已結業)

同媽咪去完旺角見到呢間餐廳, 好耐冇黎過於是想上下，主要都係我食所以唔算揀好多，一坐低佢就俾個QR code我哋掃描，全程都用電子落單，好方便而且可以幾個人化。主食揀左個黑松露忌廉汁野菌海蝦帶子意粉🍝，我叫左佢份量少啲費事食唔晒，同埋我唔鍾意食洋蔥，可以揀走洋蔥（$65），蝦都有幾隻，size中等，雖然唔係新鮮蝦，但都幾爽口嘅，質感唔梅。食落都幾creamy 嘅，黑松露味都幾足。另外想食啲蔬菜，揀左份橄欖油炒野菌什菜（$55），好少食呢啲西式炒菜，感覺都幾新鮮嘅。雖然叫左2份食物，但2個人都夠食，埋單大概$100左右，又唔洗加一，都幾滿意！ 幾年前好似都食過一次，仍然保持到水準。