素年 (三陂坊)

營業中

休息中

之前去過深水埗店，今日嚟到荃灣，於是就去試吓。店舖座位唔算好多，當日係夜晚7:00去到，都唔使點等就可以入座。同行友人嗌咗日式set，而我就嗌咗日式咖喱豬扒飯。日式咖喱豬扒飯依然份量十足。炸豬扒嘅外皮唔算太厚，仲係熱辣辣。雖然已經唔係第一次食植物肉，但都想講植物肉嘅質地係十分之相似，口感係有嘅，味道肯定係同真肉爭啲。第一次食素嚟講係會比較容易啲接受。而咖喱飯係日式咖喱，所以唔算太辣，偏甜。而蘋果片就係俾你食到咁上下消滯，清一清個口腔。總括而言係一間好食嘅素食餐廳，份量好多，味道唔錯，可以試吓。