咖啡弄 (已結業)

話說接近年3年前去過咖啡弄，個時係等到癲嘅，咁啱去銅鑼灣就過去再睇下駛唔駛等咁耐啦～星期日，下午大約五點鐘，有少少人龍，其實要攞飛，不過都係等十張以內，ok嘅，最後等咗半個鐘先入到枱。Oreo冰沙，好大一杯啊～唔甜，入面有朱古力碎同埋oreo碎，口感豐富。草莓冰沙，男朋友飲的佢話少少酸少少甜非常好味～玉米里肌起司可頌男友話個包一般，無乜特別香蕉朱古力冰淇淋鬆餅超好食～由於我唔食吉士，所以落單叫佢走咗佢，侍應姐姐話可以轉埋做雪糕，估唔到係分開上，鬆餅好厚好大份，夾埋啲香蕉同朱古力雪糕一齊食，滋味十足啊～！2個人下午茶食成咁太豐富了，份量都多，所以係食又食唔晒，飲又食唔晒～