金利來食坊 (已結業)

其實住咗牛頭角咁多年都一直有幫襯開佢地，金利來一向比我既印象就係價廉物美。言歸正傳，上星期五同女朋友食飯，我地叫咗飄香雞，豉椒炒聖子（原本想叫蒜茸粉絲蒸扇貝，但大家都有睇新聞），蒜茸白菜仔，一碗白飯同一碗粥。飄香雞–在雞上灑上大量蔥花、薑、蒜蓉再配合埋甜豉油，用來撈飯確係一流。這個餸一向都值得讃。豉椒炒聖子–先將聖子灼熟再炒，由於用灼的原故，聖子淋"gigi"，一啲都唔亁身，失敗之作。蒜茸白菜仔–一般貨色，難有驚喜。但值得一提既反而係伙記既態度，食到中途，由於有點口渴既原故於是叫了一罐可樂，但當伙記拿到夾既時候，女友跟那伙記話想要多罐碧泉，點知那不知所謂的伙記突然覺得好麻煩仲好大聲問仲有冇呀﹖跟住就行咗去同未出門口背住我地做咗個不雅既手勢，這樣既態度簡直係不知所謂。原本諗住今次比個喊樣佢，但呢間野食咗咁多年啲野都好正，尤其係蒜茸粉絲蒸扇貝，此終食開有感情，今次就比個ok你，記住下次唔好啦。